البارحه وهموم قلبـي والأوهـام
تجمعن والقلـب ضايـع قـراره
مدري أدرجها على واقـع أفـلام
وإلا على نت وسوالف شطـاره
على حوار التسليه أو هي إلمـام
بس الوكاد اللـي يغيـر دمـاره
من شاعر(ن) حط الهواجيس قدام
وخلاني الغلطان وأرسل عبـاره
لا تتهمني بالخطا ويـن الإكـرام
خل التصحصح بيننـا بإنتظـاره
وأنا وراي الدرب والعمر حتـام
وماعندي إلا دفتري وإستشـاره
ماعندي إخوان(ن) ولادفتر إعلام
بس الخواطـر والتعلـم شطـاره
وعندي إختبار السبت والله تمام
الله يسهل ليـت قلبـي إختبـاره
ومن بعدها والفكر ماظنتـي نـام
والعين تآخذني وانا يـا خسـاره
الله يجمعنا علـى كيـد مـن لام
ويرتاح فكر(ن) مهتوي بإختياره
وسلامتكم
موضوع: البارحه وهموم قلبي والأوهام & تجمعن والقلب ظايع قراره 
الأحد يوليو 27 2008, 17:25
