"" روائع في الهجران "" ادخل >>>

من روائع الشاعر / بندر الرشود هذه القصيدتين

والتي نزلت في البوم غنائي 2005 ( الغــلا ) جميعه من كلمات بندر الرشود

وضم كبار الفنانين ومن ضمنهم 1_ خالد عبدالرحمن 2_ رابح صقر 3_ اريام 4_ راشد الفارس وغيرهم من الفنانين

اذكـــــــريـــنـــي


اذكريني ياعيوني وارجعــي ّّ~ يعلم الله ماتحملت الفراق

بالسعاده اتحلى وادعــي ~ والحقيقه كل وقتي بحتراق

مانسيتك اعترف لك مامعـي ~ قلبي يقوى هجرك اللي مايطاق

إن سليت شوي وفاق الوعـي ~ في دقايق واتراجع بشتياق

من الجروح اللي هوتني موجعي ~ من الغرام اللي ملى قلبي وضاق

عذبيني يالحبيبه وادعي ~ بس تعالي لا تقولين افتراق


الله بلاني

القلب ياصاحبي مايسكنه الا انت " والعين محدٍ(ن) ملاها قبل ما شوفك

اي والله اني احبك واعشقك وآمنت " بالحب دامك تجي وتروح بطيوفك

ياحلو ظلمك ويازينك ليا بينت " الخافق اللي يحبك صافح سيوفك

راضي بزينك وشينك مثل ما كنت " الله بلاني بعذابك قبل معروفك

لو خانت الناس والدنيا انا ماخنت " تقراك كل المشاعر تكتب حروفك

غيبتك بالله لاتكثر علي لاهنت " فرقاك مقدر عليها منيتي شوفك

اثر الهوى يذبح الرجال ويا البنت " صحيح طبعك عنيد وقاسي(ن) جوفك

دامك دريت بغلاك وشفتني ادمنت " في حبك ارجوك لاتطري لي ظروفك