مشكله لاقفل الوقت بابه وابتلاك

مقتطفات شعرية من الشاعر سعد بن ظافر العمري

يقول:

مشكله لاقفل الوقت بابه وابتلاك

والقهر أنه يكون الحل بيدين الرخوم

يوعدك وان جا وعدها ماعطاك

يلزمك بالرخى وينسحب عند اللزوم

وين ذاك الوفي ليا طلبته قال جاك

شهم وافي بالوعود من رياجيل شهوم

يقلب الدنيا عشانك ومستحيل انه يعصاك

هو لحاله كوم والبشر عكسه بكوم

بس حسايف غاب نور شمسه من سماك

مابقى غير غير طيفه في خيالك دوم دوم

وانتهت بك الحلول في رخمة ماعطاك

ينتظر منك الرجى يهبا راعي العلوم

لو يصير الي يصير ماينزل مستواك

خل قدرك معتليه لو يوصل للنجوم

بس قد قال المثل دنيتك ماهي هواك

لو تحب ترابها مايجيك الا الهموم

وسلامتكم.....

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


يقول:

بكتب معاناة الزمن في حياتي

بكتب من الحرمان شي كتمته

ببوح وأستغني بأجمل صفاتي

بنطق بأقسى وقت أنا عرفته

أذوق حرمانه سراب أمنياتي

وأشوف غدره لا وفيت وعصمته

عجرت فيه وعجز الصبر ذاتي

منحد ودموعه كلامه وصمته

حتى أقرب قريب أعده عزاتي

يكسب غنيمه لاعطيته وصنته

صرت الغريب وديرتي ما تحاتي

أخاوي القمرى ودربي عزمته

ماعاد باقي لي سوى أمي غناتي

أسعد لرضاها دامني ماخسرته

أدعي لها دايم وانا في صلاتي

ماتنحرم منها عيوني للفته

ولا أنا ياهييييييييه صارت مناتي

الموت دام الهم كبرت وفهمته


على فكرة ترى الشاعر خويي الروح بالروح وأنا أستأذنته في نقل إبداع الشعري لكم وهناك قصائد تطرب السامعين للشاعر المذكور ولكنه رفض أن أنقلها وأكتفى بهاتين القصيدتين .....................,.,.,.,.,.,,,.,.,.,.,.,.

قصيده حلوه وصح السان قايلهااااا ويعطيك الف عافيه خيووو